Эко-Лагерь

13-14-июль күндөрү Кадамжай районунун Гавыян жайлоосунда эки күндүк эко- лагерь уюштурулуп, анда Баткен, Ош, Жалал-Абаддан келген 17 жаштан 35 жашка чейинки жаштар катышты.

Эко-лагерь жаратылышты коргоо, биотүрдүүлүк, айлана-чөйрөнү коргоо, жашыл көндүмдөр, лидерлик, өзүн-өзү өнүктүрүү, оратордук чеберчилик боюнча багыттарда өттү. Жогорудагы багыттардагы билимдерди Оштон келген Медер Абдыманапов, Милана Мыктаралиева, Мухаммадиёр Захиджанов сыяктуу тренерлер өз билим жана тажрыйбалары менен бөлүшүштү.

Жогоруда аталган билимдер менен гана чектелбестен, жаштар үчүн экологияга жана жашыл көндүмдөргө байланыштуу оюндар, эстафеталар да уюштурулду. Ошондой эле “Биз таза коом үчүн” деген ураандын астында катышуучулар менен биргеликте ишембилик өткөрүлүп, айлана-чөйрөгө ташталган таштандылар тазаланды. Бул аракет жаштарды тазалыкка, айлана-чөйрөнү сактоого, таштандыларды туш тарапка таштабоого үйрөтөт.

Тренинг «Жаштар үчүн санариптештирүү, лидерлик жана жашыл көндүмдөр» долбоорунун алкагында «Жашыл жана санариптик жаштар делегаттары» программасынын делегаты Арипов Атабек тарабынан уюштурулган.

“Жаштар санариптештирүү, лидерлик жана жашыл көндүмдөр үчүн” долбоору “Энактас Кыргызстан” коомдук бирикмеси тарабынан Европа биримдигинин колдоосу менен ишке ашырылууда.

#EU4KG #youth4DGL #enactuskyrgyzstan